Peci gjithashtu bëri të ditur se kriteret për aplikim në këtë vit janë më të lehta në krahasim me kriteret e vitit të kaluar.
“Vitin e kaluar kriteret për aplikim kanë qenë shumë më të ashpra se sa këtë vit, në këtë vit nuk nënkupton që ti duhet të jesh titullar i tokës që e punon, i kemi larguar edhe fletat poseduese, ndërsa e kemi lënë pjesën e deklarimit nën betim. Pra, kushdo që bën një aplikim, dhe aplikimi i tij nuk është faktik, ku kjo më pas evidentohet në proces të kontrollës. Atëherë me automatizëm fermeri i cili bën një manipulim të tillë do të përballet me vepër penale”, tha Peci në emisionin “Këndi i Debatit” në Tëvë1.
Sipas rregullativës, në rast se ndonjë fermer tenton të manipulojë qoftë për sipërfaqe fiktive, apo zgjerimin e saj, për tri vite më nuk do të ketë mundësi aplikimi, tha Peci.
Teksa shtoi se po ashtu edhe kjo shkelje nënkupton të përballesh me vepër penale.
“Është rregullativa, që përveç lista e zezë tri vite mos mundësimi të aplikimit në vazhdimësi, dhe momenti kur nënshkruan deklaratë nën betim dhe tenton të manipulosh qoftë për sipërfaqe fiktive, qoftë për zgjerim të sipërfaqes përtej asaj që ke, nënkupton që do të përballesh me vepër penale”, shtoi Peci tutje.
