Ministri në detyrë, Faton Peci, ka folur për dyshimet që ai mund të largohet nga ky grup parlamentar në rast se Fatmir Limaj do të kandidohet për kryetar Kuvendi nga kjo parti.
Peci i ka mohuar këto pretendime duke i quajtur të pavërteta dhe ka thënë se po i dëgjon për herë të parë.
Sipas tij kjo pyetje e gazetarëve ishte sugjestive që tenton vetëm të nxjerrë titull.
“Krejt e pavërtetë. Për herë të parë po e dëgjoj nga ti. Ndërsa unë jam në krejt pjesën e konsultimeve dhe diskutimeve të brendshme. Emër i pranueshëm për Lëvizjen Vetëvendosje vazhdon të jetë Albulena Haxhiu, por pyetja juaj sugjestive që po tenton ta nxjerrësh një titull, është totalisht e pavërtetë”, ka thënë ai në adresimin për media pas dështimit të seancës për konstituimin e Kuvendit.
