Sipas tij, me rritjen e kësaj përkrahjeje për vitin 2021, fermerët kosovarë janë më të subvencionuarit në rajon, duke u krahasuar me vendet fqinje.
“Ka ndodhur Ukraina, ne kemi rritë këtë përkrahje për shkak se mes tjerash edhe për shkak të krizës ose mes tjerash ose interesimit tonë si Qeveri për me mujt me maksimalizu prodhimin. Aktualisht me pakon e masave që ne kemi ndërmarrë në kaudër të programit për pagesa direkte për vitin 2021 Kosova është më së miri në rajon, ne për një vit udhëheqje, Qeveria Kurti 2 e ka shndërru fermerin e Kosovës si fermerin më të përkrahur në rajon, më të përkrahur sesa në Serbi, Mal të Zi, Maqedoninë e Veriut edhe Shqipëri”, shtoi Peci.
Tutje, ai në “Këndin e Debatit” në Tëvë 1, ka treguar edhe arsyet të cilat kanë shtyrë Ministrinë që të katërfishojë subvencionimin e bujqëve për kulturën e grurit.
“Serbia ka 68 euro përkrahje për 1 hektar pavarësisht se ka të mbjellura sipërfaqe të konsiderueshme ndërsa Kosova ka 474 euro për hektarë është sigurimi për çmimin dysheme në esencë për shkak se 150 euro është për hektar sa ka qenë për 10 vite e kemi shtu për shkak të rritjes së plehrave artificiale 150 euro për hektarë për secilin hektarë, duke pasur parasysh rritjen e çmimit të naftës kemi bërë një kalkulim se sa i kushton një fermeri mbjellja e një hektari e kemi kalkulu me kompensimin e akcizës që është 0,36 cent që ka dalë 54 euro për secilin hektarë”, shtoi Peci./teve.1.info/
