Ministri i Bujqësisë, Faton Peci ka paralajmëruar fermerët që të jenë korrekt në procesin e aplikimit të deklarimeve për subvencione.
Peci ka njoftuar se ministria po bën kontrolle strikte, ku çdo deklarim i rrejshëm i hasur do të ketë pasoja ligjore.
Ai ka kërkuar nga fermerët ndershmëri në këtë proces.
“Të dashur fermerë, janë bërë më shumë se një javë nga hapja e thirrjes për subvencione për këtë vit. Nga kontrollat e ushtruara vitin e kaluar në masën 100% në 7 Komuna të Kosovës, kemi arritur të parandalojmë mashtrime me deklarime që kapin shumën afro 2 milion euro. Më shumë se paralajmërim është lutja ime për ju që të jeni korrekt në procesin e aplikimit pasi edhe këtë vit Ministria do të ushtrojë kontrolle strikte dhe nuk do të tolerojmë mashtrime me deklarime të rrejshme”, ka shkruar mes tjerash në Facebook ai. /teve1.info/