Po ashtu BE-ja ka bërë thirrje që të intensifikohet dialogu mes Kosovës dhe Serbisë me objektivin që marrëdhëniet të normalizohen mbi bazën e njohjes reciproke.
“Është miratuar amendamenti që mirëpret kërkesën e Kosovës për anëtarësim në BE, si dhe ai që bën thirrje që 5 shtetet anëtare që nuk e njohin pavarësinë e Kosovës ta bëjnë këtë dhe theksohet “nevoja urgjente që procesi i dialogut Prishtinë-Beograd të udhëhequr nga BE-ja të intensifikohet me objektivin e normalizimit të marrëdhënieve dypalëshe mbi bazën e njohjes reciproke”,thuhet në rezolutë.
Parlamenti po ashtu është dakorduar që mos të hapen kapituj të ardhshëm të anëtarësimit të Serbisë në BE, pa shënuar kjo e fundit reforma.
“Parlamenti Evropian përsërit qëndrimin e tij se kapitujt e mëtejshëm të negociatave duhet të hapen vetëm kur Serbia të forcojë angazhimin e saj për reforma në fushat e demokracisë dhe sundimit të ligjit dhe të demonstrojë përafrim të plotë me politikën e jashtme dhe të sigurisë dhe kujton se Serbia, si një vend që përpiqet drejt Integrimi evropian duhet t’u përmbahet vlerave dhe të drejtave të përbashkëta të BE-së”, thuhet në rezolutë.
Teksa rezoluta ka përshëndetur fillimin e negociatave për pranimin e Shqipërisë dhe Maqedonisë së Veriut në BE.
