“Kosova ka shënuar rekord të importit të mallrave serbe me certifikata të Serbisë të cilat Kosova i njeh derisa Kosova nuk mund t’i eksportoj mallrat në Serbi me certifikatë të Kosovës pasi Serbia nuk i njeh”, tha Tahiri në seancën e Kuvendit.
Ai tha se me këto tema po tentohet të dilet te asociacioni gradualisht, andaj tha se kërkon qartësi nëse Qeveria është duke iu përmbajtur dialogut me Serbinë, transparencë në agjendën e Qeverisë sa i përket dialogut.
Kurse kryetari i AAK-së, Ramush Haradinaj,e quajti kryeministrin Albin Kurti si “Djalë të mirë” ndaj komunitetit ndërkombëtare, duke i thënë se agjendën e Kosovës po e cakton ndërmjetësuesi në dialogun Kosovë-Serbi, Lajçak.
“Kryeministri është bërë djalë i mirë për ndërkombëtarët, e keqja është se ka fillu si i forti, ka përfundu si djalë mirë,kur të donë çka ti thonë. Vuçuqi e thirrë Lajqakun,Lajqaku i tregon kryeministrit si me vepru dhe kjo na dërgon në qorrsokak”,tha Haradinaj, raporton teve1.info.
Ndërsa, deputeti i LDK-së, Avdulla Hoti,tha se e mbështet Qeverinë në tema shtetërore, por shtoi se koordinim ndërkombëtar për këto tema nuk kishte gjatë zhvillimeve të fundit në vend. Hoti e kritikoi Qeverinë për siç tha ai, keqmenaxhim të buxhetit të shtetit dhe kërkoi që buxheti i vendit të shkoj sa më parë në rishikim në Kuvend.
Gjatë deklarimeve jashtë rendit të ditës foli edhe kryesuesja e deputetëve të VV-së e cila tha se Kosova po përjeton zhvillimet më të mëdha në histori si dhe është ngritur lartë në lista ndërkombëtare sa i përket lirisë së medieve.
