Kjo u bë e ditur në konferencën që mbajtën deputetët e kësaj partie, me ç’rast thanë se mosha mesatare e Policisë së Kosovës kalon moshën rreth 47 vjeç.
Deputetja e PDK-së, Ganimete Musliu, ka thënë se kjo nismë është e mbështetur në nenin 79 të Kushtetutës.
“Jemi sot këtu që në emër të grupit parlamentar të Partisë Demokratike të Kosovës, ju njoftojmë se kemi ndërmarrë nismën për hartimin e Projektligjit për pensionet e zyrtarëve policor të Policisë së Kosovës dhe punonjësit e Inspektoratit Policor të Kosovës me autorizime policore. Nisma për hartimin e projektligjit të cekur më sipër, nga grupi parlamentar i Partisë Demokratike të Kosovës, është bazuar nenin 79 të Kushtetutës së Republikës së Kosovës, nenin 5 pika 1 (1.2), nenit 8 të Ligjit Nr. 04/-l-025 për Nisma Legjislative dhe të nenit 53 të Rregullores së Kuvendit. Duke e ditur se Policia e Kosovës edhe pse është policia më re e themeluar në Evropë, ajo fatkeqësisht nuk është e re edhe me moshën e zyrtarëve të saj”, tha ajo./eo/
