Partia Demokratike e Kosovës (PDK) në Ditën Botërore të Ndërgjegjësimit për Autizmin ka thënë se personat me autizëm janë dhe duhet të trajtohen si pjesë aktive dhe e pandashme e shoqërisë.
Përmes një postimi në Facebook, kjo parti ka shkruar se është obligim moral e shoqëror i gjithsecilit t’ua garantojmë dhe mbrojmë këtë të drejtë.
“Sot, në Ditën Botërore të Ndërgjegjësimit për Autizmin avokojmë për shërbime cilësore shëndetësore për personat me autizëm, edukim të pacënuar e të rregullt, integrim dhe mundësi për avancim profesional dhe punë. Personat me autizëm janë dhe duhet të trajtohen si pjesë aktive dhe e pandashme e shoqërisë. Është obligim moral e shoqëror i gjithsecilit t’ua garantojmë dhe mbrojmë këtë të drejtë. Secili hap për të ecur së bashku me nevojat dhe kërkesat e personave me autizëm është shumë i rëndësishëm”, thuhet në postimin e PDK-së./teve1.info/
