Partia Demokratike e Kosovës po e konsideron kapje të RTK-së nga partia në pushtet, emërimin e Rilind Gëvallës në krye të kanaleve shqip të Radio Televizionit Publik.
Sipas RTK-së, Rilind Gërvalla është “tash e 15 vite militant i Vetëvendosjes, duke qenë pjesëmarrës në të gjitha organizimet partiake”.
“Me këto emërime, RTK nuk do të jetë më në shërbim të publikut, por do të përdoret si megafon i Albin Kurtit dhe Vetëvendosjes, ndërsa militantët që do ta drejtojnë RTK-në, do të marrin urdhra nga ideologët dhe propaganduesit e tyre partiak”, ka shkruar PDK në faqen e saj.
Sipas PDK-së, me këtë emërim pushteti synon kapjen e mendjes së qytetarëve.
“Nëpërmjet kapjes së Radio Televizionit Publik të Kosovës me militantë partiak;, pushteti po synon kapjen e mendjes së qytetarëve nga e cila frikësohen më së shumti”, bëhet e ditur në komunikatë.
