Partia Demokratike e Kosovës ka kërkuar formimin e një Komisioni Hetimor për financimin e teksteve shkollor,e raporton teve1.info
Pas mbledhjes së Kryesisë së Kuvendit, shefi i deputetëve të Partisë Demokratike të Kosovës, Abelard Tahiri, tha se nuk kanë shumë informata se çfarë ka ndodhur me këtë proces as për shumën e mjeteve të ndara nga MASHTI për blerjen e pajisjeve shkollore.
“PDK në kuadër të angazhimit të tij në parlamentin e Kosovës, kemi propozuar themelimin e Komisionit Hetimor që do të ndodhte një hetim parlamentar në lidhje me financimin e librave që ka ndodhur gjatë kësaj periudhe, pra ende nuk e kemi një pasqyrë të qartë të kësaj periudhe dhe ju e dini që ky është viti i parë nga shpallja e Pavarësisë që nxënësit e Kosovës nuk furnizohen me libra falas nga qeveria e Kosovës”, u shpreh Tahiri.
Ai tha se ende nuk ka një pasqyrë të qartë nëse të gjithë nxënësit janë të pajisur me libra.
“Nuk e kem të qartë ende sa është shuma e shpenzuar në kompensimin e librave a e ka tejkaluar kjo shumë e paraparë nga Ministria Arsimit të cilat do t’i shpërndajnë nxënësve, pra një proces jotransaprent shumë i madh. Nuk kemi transparencë për ndarjen e këtyre mjeteve sa ka mbërri totali i tyre a është më e madhe se shuma që bliheshin librat dhe do të shpërndaheshin falas dhe mendoj që është e rëndësishme që mos të lejojmë që vitet në vazhdim ndodhin propozime të tilla. Është e rëndësishme të vijmë me një raport dhe të shohim si ka ec epilogu i kësaj çështjeje”, u shpreh Tahiri.
