Në një konferencë për media, Nikaj tha se PDK-ja përkrah çdo iniciativë për hetim të çështjeve për energji elektrike.
“PDK përkrah çdo iniciativë për hetim të çështjeve dhe personave, jo vetëm për energji elektrike por për të gjitha çështjet që konsiderohet se ka nevojë. Dhe këtë jo vetëm nga shpallja e pavarësisë por që nga pas lufta e deri në ditët e sotme. Mbi këtë bazë, ne në parim e mbështesim iniciativën e Grupit Parlamentar të LVV, edhe pse duhet të themi që në këtë moment kjo iniciativë është vetëm deklarative”, tha ai.
Nikaj shtoi se çështja e Komisionit Hetimor të iniciuar nga opozita dhe çështja e Komisionit Hetimor të inciuar sot nga LVV janë dy çështje të ndara.
“Aq sa është e rëndësishme që të hetohet e kaluara, aq e rëndësishme është të hetohet menaxhimi i krizës energjetike, koston e së cilit po mbajnë qytetarët e Kosovës në faturat e tyre të rrymës këta muajt e kaluar”, shtoi ai. /Teve1.info/
