Për herë të parë si kryetari i Partisë Demokratike të Kosovës e mblodhi kryesinë.
E pas mbledhjes, Bedri Hamza iu drejtua qytetarëve.
Ai tha se janë të gatshëm për zgjedhjet e 28 dhjetorit, për një kapitull të ri.
“Ne jemi mirë të organizuar si parti, si në nivel qendror ashtu edhe në nivel të degëve. Në këto zgjedhje garojmë të përgatitur, me një program të qartë, me prioritete të qarta, me vizion të qartë dhe me një ekip të mirë. Lista jonë do të jetë përfaqësuese, me vajza, djem, burra e gra, të cilët premtojnë një sukses të plotë në zgjedhjet e 28 dhjetorit”, deklaroi Hamza.
Por Hamza foli edhe njëherë për vijat e kuqe me partitë politike në vend.
Madje më të përafërt bashkëpunimin tha se e sheh me partitë që dikur ishin në qeverisje, e vitet e fundit kanë qenë në opozitë.
“Sa i përket vijave të kuqe, për ne është më e preferueshme dhe më afër programeve tona politike, bindjeve tona politike e konceptuale, që të jemi bashkë me partitë me të cilat kemi qenë edhe më herët, herë në pushtet e herë në opozitë. Do të thotë, jemi më të afërt në aspektin programor dhe konceptual me partitë me të cilat kemi bashkëqeverisur në periudha të ndryshme, si edhe me ato me të cilat kemi qenë në opozitë gjatë mandatit të kaluar”.
Njëra nga çështjet e diskutuara ishte edhe ajo për kryetarin e komunës së Drenasit, Ramiz Lladrovci.
Hamza tha se asnjëherë nuk ka pasur vendim për largimin e këtij të fundit nga partia.
“Ramiz Lladrovcin askush nuk e ka përjashtuar prej PDK. Nuk kam pa vendim që thotë se z. Lladrovci nuk është në PDK, pra nuk ka cika brenda PDK. Pra do të vazhdojmë edhe të garojmë edhe të maskimalizojmë votën e PDK”.
Në fund Bedri Hamza përmendi edhe çështjen e pagave për RTK, ky tha se ka edhe mundësi ligjore edhe financiare që të behte zgjidhje që RTK-ës t’i ndahen pagat.
Kronikë e realizuar nga gazetarja, Adea Kelmendi.
