Përfaqësuesi i Partisë Demokratike të Kosovës në KQZ, Arianit Elshani, ka bërë të ditur se kjo parti abstenon në votimin për certifikimin e Listës Serbe për zgjedhjet lokale të tetorit.
Ai theksoi se kjo çështje është temë që përsëritet në kohën e zgjedhjeve, përfshirë edhe ato qendrore.
‘‘Si përfaqësues i PDK abstenojmë nga votimi për certifikimin e Listës Serbe me këta kandidatë, duke marrë parasysh këto informata por edhe gjithë ato diskutime që janë bë tash e sa kohe. Pra nuk jemi për certifikimin por abstenojmë nga votimi, derisa nuk kemi veprime nga institucionet tjera të sigurisë që na tregojnë qartë rrugën që duhet të ndiqet për këtë subjekt politik. Po e them është një temë që përsëritet tash e sa kohë. Konsiderojmë që rruga duhet të jetë krejtësisht dhe tërësisht institucionale’’, ka thënë ai mes tjerash.
Ndërkohë, përfaqësuesi i VV-së në KQZ, Sami Kurteshi, ka thënë se është kundër certifikimit të Listës Serbe.
“Unë jam kundër certifikimit të subjektit politik Lista Serbe derisa nuk shihen të gjithë anëtarët e saj ku kanë pozita dhe cilat pozita i mbajnë në institucionet e Serbisë dhe në institucionet paralele në Kosovë”, ka thënë ai.
Mbledhja e KQZ, në rend dite edhe certifikimi i Listës Serbe
