Bashkimi Evropian i paraqiti të enjten Ukrainës një listë të gjerë reformash të nevojshme për t’u bashkuar me bllokun, duke sinjalizuar vendosmërinë e saj për të çuar përpara procesin pavarësisht luftës së vazhdueshme dhe rezistencës nga Hungaria.
Gjatë një takimi në Lviv, në Ukrainën perëndimore, zyrtarë të lartë të BE-së dhe diplomatë thanë se grupi i kërkesave – që mbulojnë rreth gjysmën e reformave të nevojshme – do të mundësonte përparim të vazhdueshëm edhe pse bisedimet zyrtare të pranimit mbeten të bllokuara nga kundërshtimet e Budapestit.
Anëtarësimi në BE është bërë objektivi kryesor i Ukrainës, ndërsa ajo kërkon lidhje më të forta me Perëndimin mes perspektivave të pasigurta të NATO-s.
Njëra nga pengesat e mëdha në këtë drejtim është parë kundërshtimi i Hungarisë si vend anëtar, ku kryeministri hungarez, Viktor Orbáka pohuar më parë se bisedimet e pranimit “nuk duhet të vazhdojnë gjatë kohës së luftës” dhe ka ngritur shqetësime në lidhje me “të drejtat e pakicës hungareze në Ukrainë”, si dhe ndikimet e mundshme ekonomike, shkruan AP.
Hungaria, duke qëndruar e vetme midis anëtarëve të BE-së për këtë çështje, mbajti qëndrimin e saj dhe nuk dërgoi një përfaqësues në takimin e së enjtes.
