Gjykata Themelore në Prishtinë të enjten ka liruar Azem Sylën nga të gjitha akuzat në rastin “Toka”.
Lajmin e ka bërë të ditur avokati i Sylës, Besnik Berisha, i cili ka thënë se sot ka triumfuar drejtësia.
“Sot edhe kete beteje e fituam, sot drejtesia triumfoj. Jam i lumtur qe isha pjese e ketyre betejave ne cilesine e avokatit te SYLA, i cili, perkunder ofertave qe te angazhoi avokat nderkombetar, me zgjodhi mua si te vetmin qe i besoi”, ka shkruar Berisha në Facebook.
Ndryshe, në këtë proces që ka nisur në vitin 2016 përveç Azem Sylës të akuzuar ishin edhe 17 persona tjerë.
Syla dhe të tjerët akuzoheshin nga Prokuroria se si grup i organizuar kriminal kishin bashkëpunuar mes vete me qëllim që përmes falsifikimit të vendimeve dhe dokumenteve zyrtare t’i privonin Kosovës disa prona shoqërore./teve1.info/
