Kreu i AAK-së, Ramush Haradinaj pas takimit me presidenten e vendit, Vjosa Osmani për caktimin e datës së zgjedhjeve të reja në Kosovë ka deklaruar se mospjesëmarrja e LVV-së në këtë takim është e pakuptimtë.
Pasi sipas tij, Kurtit më parë iu kanë përgjigj në takime kryetarët e partive politike.
Ai ka thënë se ankesa e VV-së në Gjykatën Kushtetuese për dekretin e Osmanit për shpërbërjen e Kuvendit, sipas tij është thyerje në vete.
I pyetur se cilat data mund të jenë për mbajtjen e zgjedhjeve të përkohshme në Kosovë, Haradinaj u shpreh se data 5, 12, dhe 19 prill janë opsione për mbajtjen e zgjedhjeve.
“Mospjesëmarrja e e VV-së me partner të tyre qeverisës, është e pakuptimtë, Kurtit iu kanë përgjigj në takime kryetarët e partive politike një nga një edhe shumë herë ka pasur konsulta, mosardhja e tij nuk është në rregull, mendoj që adresimi në Gjykatën Kushtetuese është një thyerje në vete, një hajgare me procesin, askush si ka faj VV-së për sjelljen e tyre dhe ato që i ka sjell vendit, kjo situatë që ka ardhur është rezultat i tyre dhe ata është dashur të vijnë në këtë takim. Sa i përket datave janë në opsion prej 5, 12, 19 prill, mund të ketë edhe ndonjë datë tjetër varësisht prej zhvillimeve”, ka deklaruar Haradinaj pas takimit me Osmanin./teve1.info/
