Kandidati për deputet nga Partia Demokratike e Kosovës, Fetah Paçarizi, të cilit pas rinumërimit i janë hequr afër 6 mijë vota ka thënë se distancohet nga çdo keqpërdorim apo manipulim i votave.
Ai ka thënë se nuk ka pasur asnjë ndikim në këtë proces, duke thënë se Prokuroria e Shtetit ka detyrim ligjor dhe moral të nisë hetime të plota.
“Dua të sqaroj qartë se jam i kyçur rishtas në politikë dhe nuk kam mbajtur asnjëherë poste apo përgjegjësi politike. Nuk kam dhe nuk kam pasur asnjë ndikim në këtë proces dhe distancohem plotësisht nga çdo keqpërdorim apo manipulim që mund të jetë bërë në emrin tim ose në dëm të votës së lirë. Prokuroria e Shtetit ka detyrim ligjor dhe moral të nisë hetime të plota, të pavarura dhe profesionale. Njëkohësisht, KQZ, si organ i pavarur kushtetues, duhet të japë llogari publike dhe të ofrojë prova të qarta për ligjshmërinë dhe korrektësinë e veprimeve të saj. Pavarësia institucionale nuk nënkupton mungesë përgjegjësie. Kërkoj transparencë, hetim dhe përgjegjësi. Gabimi apo manipulimi i këtij niveli është përgjegjësi shtetërore”, ka shkruar ai në profilin e tij në Facebook.
Ai ka thënë se është shqetësuese ajo cfarë po ndodhë në procesin e rinumërimit, ndërsa ka vlerësuar se është është i domosdoshëm rinumërimi i plotë i votave në të gjithë vendin, përfshirë edhe votat e diasporës
