Pas raportimi të tëvë 1 për rastin e vajzës 10 vjecare e cila është me aftësi të kufizuara për ndërprerje të shkollimit, ajo është rikthyer në shkollën “Pjetër Bogdani”. Këtë javë prindi i saj ka vendosur që ta dërgoj 5 herë në javë, ani pse nga rekomandimet e ekipi vlerësues kërkohet që vajza të shkojë në qendrën “Përparimi” e cila është per persona me aftësi të kufizuar.
Pas disa javë që ishte jashtë procesit mësimor, Bora Raçi u rikthye në shkollën “Pjetër Bogdani” në Prishtinë.
Kjo është java e dytë që kjo vajzë e cila është me aftësi të kufizuar po ndjekë mësimin.
Javën e kaluar ishte vetëm një ditë, kurse gjatë kësaj jave ajo për ditën e tretë po ulet në bankat shkollore.
Tëvë 1 në muajin nëntor kishte raportuar për rastin e 10 vjeçares e cila kishte shkuar në Gjermani por pas kthimit prindërit nuk kishin dërguar në shkollë.
Babai i vajzës, Mentor Raçi, thotë se është i kënaqur që vajza po vijon procesin mësimor.
“Prej kësaj jave kam filluar me sjellë vajzën me vetmohim tre herë në javë, por kam vendos që më sjellë çdo ditë, qysh i caktojnë fëmijës me ardhe me rregull. Kam dëshirë që vajza me qenë sa ma aktive në klasë deri të vjen dikush që asiston vajzën. Besoj që i ndihmon vajzës me shoqni dhe do të ec përpara si bashkëpunim ndërmjet dy palëve”, ka deklaruar ai.
Nga ekipi për vlerësime pedagogjike kërkohet që vajza vetëm 2 ditë të jetë në shkollën “Pjetër Bogdani”, kurse tre të tjera në qendrën “Përparimi” e cila është shkollë për persona me aftësi të kufizuar.
Por prindi i saj nuk po pajtohet me këto rekomandime prandaj insiston që ajo të vijojë rregullisht mësimin.
“Mu me kanë preferuar doktorët, specialistët gjermanë që kjo është për shkollë këtu për këtë shkollë, kjo vetvetiu kthehet në gjendje të rregull me fëmijë duke shoqëruar”.
Vajza aktualisht është duke mësuar me mësuesen mbështetëse.
Drejtori i shkollës “Pjetër Bogdani” nuk ka pranuar të flas për rastin e Bora Raçit. Por i njëjti ka thënë se janë duke punuar që vajzës të i sigurojnë një asistente.
Tëvë 1 ka provuar të marrë një përgjigje edhe nga Komuna e Prishtinës në lidhje me këtë rast, por deri në publikimin e kronikës nuk ka marrë përgjigje nëse 10 vjeçares do i lejohet shkollimi 5 herë në javë.
