Deputetja e LDK-së, Hykmete Bajrami, ka kërkuar më shumë siguri në Kosovë, derisa e ka ngushëlluar familjen e të vrarit, pas incidentit të mbrëmjes s premte në Prishtinë ku humbi jetën nga plagët e marra një qytetar dhe u plagosën 17 të tjerë, raporton teve1.info
Përmes postimit të saj në Facebook, Bajrami ka thënë se Prishtina ndjen dhimbjen e ngjarjes, siq e ka quajtur ajo, tronditëse.
“Sot, të përbashkët e kemi dhimbjen
Sot, Prishtina ndjen dhimbjen e një ngjarjeje tronditëse, ku 17 persona janë plagosur mbrëmë vonë në një lokal, ndërkaq njëri nga të plagosurit tashmë ka humbur jetën.
Familjarët, miqtë dhe e gjithë shoqëria kosovare janë të tronditur nga ndodhia e kësaj tragjedie që ka ndodhur në ambientet e një vendi ku njerëzit shkojnë për tu relaksuar dhe kaluar kohë me njëri tjetrin. Kjo ngjarje na bën të reflektojmë thellë mbi sigurinë dhe kahjen e shoqërisë sonë, si dhe mbi nevojën për t’u përpjekur të gjithë se bashku që të bëjmë më të sigurt këtë vend.
Gjatë këtyre momenteve të vështira për viktimat dhe të afërmit e tyre është e rëndësishme që ne të tregohemi solidar e organet e hetuesisë dhe drejtësisë bashkëpunues, kështu që të gjithë së bashku të ofrojmë mbështetjen e nevojshme për familjet e të plagosurve dhe për familjen që tashmë ka humbur me të dashurin e tyre”, ka shkruar ndër të tjera Bajrami.
