Një shqiptar nga Fieri i kërkuar për vrasje është arrestuar në Greqi pas një operacioni të koordinuar nga Interpoli.
Sipas autoriteteve të sigurisë, në pranga ka rënë 51 vjeçari A.A, i cili akuzohet se kreu vrasjen në bashkëpunim me dy persona të tjerë.
“Ky shtetas ishte i shpallur në kërkim ndërkombëtar pasi Gjykata e Fierit, në vitin 2023, ka caktuar masën e sigurimit “Arrest në burg”, për veprën penale “Vrasje me dashje, kryer në bashkëpunim” dhe “Mbajtja pa leje e armëve të zjarrit dhe municionit”. Ky shtetas, dyshohet se në vitin 2019, në Lushnjë, në bashkëpunim me shtetasit L. H. dhe O. B., kanë vrarë me armë zjarri shtetasin B. H. Interpol Tirana vijon bashkëpunimin me Interpol Athinën, me qëllim ekstradimin e ketij shtetasi në Shqipëri”, thuhet në në njoftimin e Policisë së Shtetit./teve1.info/
