Nga Shkupi u nis me 1 prill. E 42 ditë më pas, shqiptari nga Shkupi, Qamuran Hirda arriti në qytetin e Mekës në Arabinë Saudite. Gjithë këtë udhëtimi, shkupjani e bëri me biçiklete, ndërsa për Tëvë1 ka rrëfyer për përjetimet e këtij udhëtimi dhe sfidat që i kaloi përgjatë 4 mijë kilometrave.
Nga Shkupi u nis më 1 prill.
Në këtë formë, Qamuran Hirda e filloi udhëtimin më të veçantë të jetës së tij.
42 më pas, Hirda arriti në qytetin e Mekës për ta kryer haxhin.
E gjithë këtë udhëtim shqiptari nga Shkupi e bëri me biçikletë.
“Pata dëshirë, jo si krejt që shkojnë me aeroplan e mjete të tjera, unë edhe për shkak që t’i bëj disa vizita dhe t’i vizitoj disa shtete, me erdhi ideja që ta bëj këtë udhëtim nga Shkupi për në Meke”, tha çiklisti Hidra.
Hirda thotë se afër 700 kilometra u detyruan t’i bëj me aeroplan.
Kjo për shkak të gjendjes aktuale në Siri.
“Në fund të Turqisë, në Gaziantep në kufi të Sirisë, e pastaj Sirinë e kemi kaluar me aeroplan deri me Aman të Jordanisë, për shkak se kufijtë në Siri janë të mbyllur dhe për shkak të problemeve që janë. Prej Amanit kemi vazhduar përsëri me biçiklete deri në hyrje të Saudisë dhe deri në Mekë”, u shpreh ai.
Gjatë kësaj vizite, shkupjani thotë se bëri edhe vizita të shumta.
“Normalisht që ky udhëtim i ka edhe vështirësitë e veta, shembull në Saudi për shkak të ndryshimit të klimës, ushqimit, fjetja. Vendbanimet ishin të rralla, ka pasur rast edhe nga 100-150 km pa vendbanime. S’kishim ku të ndalonim”, deklaroi Hidra.
Qamuran Hirda u bë shqiptari i parë që 4 mijë kilometrat deri në Qabe, i bëri më biçiklete.
Ndërsa shton se ky lloj i udhëtimit pati edhe sfida të mëdha.
“Me qenë i pa përgatitur fizikisht dhe psiqikisht, mundesh me thanë pse po shkoj unë kështu? Pse e kam këtë zor? Dhe pastaj mund ta ndërpresësh udhëtimin. Mirëpo vendosmëria ime ishte që unë ta bëj deri në fund këtë udhëtim dhe duhet të arrijë në Meke pa marrë parasysh kushtet çfarë janë”, tregoi ai.
Në fund, Hirda thotë se ende nuk ka vendosur për mënyrën e kthimit në shtëpi, pas përfundimit të Haxhit.
