Pas 1 muaj e gjysmë, i është lejuar vizita tek i biri.
Dragisha Vukashinoviq, nëna e Millan Vukashinoviq i cili dyshohet se u rrëmbye brenda territorit të Kosovës në pjesën veriore, dhe më pas u plagos nga xhandarmëria serbe, të martën për herë të parë ka vizituar djalin e saj.
Për këtë vizitë, detaje për Tëvë1 ka dhënë, Radoica Radomiroviq, mik i Vukashinoviqit.
Ai i ka dhënë detaje nënës së tij në ditën kritike, që sipas Radoica Radomiroviq, ai ka parë një golf V ngjyrë gri nga i cili kanë dalë persona të maskuar dhe armatosur.
“ Nëna, Dragana, për herë të parë sot ka mundur të flasë pjesërisht lirshëm me Millanin. Në këtë bisedë Millani i ka përshkruar si ka ndodhur kjo ngjarje, që ka ndodhur në territorin e Kosovës derisa ai ka pritur Dragomir Antiçin që ta merrte. Nga ajo veturë, Golf V i ngjyrës gri kanë dalë persona të maskuara me uniforma të zeza dhe kanë qëlluar në Millanin i cili ka qenë në veturën e tij”, ka thënë Rasomiroviq.
E detaje janë dhënë edhe për gjendjen e tij shëndetësore.
Millan Vukashinoviq vazhdon të ketë një plumb mbrapa shpinës dhe njërën këmbë të lënduar.
“Sot për herë të parë pas 40 ditëve, nëna Dragana ka vizituar Millanin në njësinë e paraburgimit në spitalin në Beograd. Ajo tash është duke u kthyer në shtëpi, dhe porsa u dëgjova me të. Çfarë më përcolli asaj është që “Millani është mirë, ndihet mirë, këmbën e majtë e ka ende në gips. Nuk jemi të sigurt nëse ajo këmbë do të jetë funksionale. Gjithashtu plumbi në shpinë nuk i është larguar, mjekët ende nuk kanë vendosur ende kur do të bëhet ky operim”, u shpreh Radomiroviq.
Për këtë rast, Radomiroviq thotë se shteti serb ka ngritur dy padi ndaj Millan Vukashinoviq dhe katër qytetarëve tjerë të Kosovës.
“Pas plagimit, ata njerëz e kanë marr Millanin, dhe me atë veturë, Golf V, e kanë dërguar në spitalin e Prokupljes. Në këtë moment mund të themi se kemi vetëm një padi, e cila përfshirë katër persona, të cilët si Millani janë gjithashtu qytetarë të Kosovës. Avokati për herë të parë do të vizatojë Millanin me 12.12, bashkë me prokurorin, kur do të kemi, ndoshta, padinë e dytë, me të cilën do të përballet Millani, dhe do të shohim se cilët persona tjerë do të jenë të përfshirë. Do të doja të theksoja që familja Vukashinoviç i janë drejtuar edhe ombudspersonit në Serbi, por deri tash ai nuk i është lajmëruar e as nuk ka vizituar Millan Vukashinoviçin”, është thënë Radomiroviq.
Gjithashtu padi ka dërguar edhe avokati Ivan Niniç duke dorëzuar atë në Krushevc për tentimvrasje dhe rrëmbim të Millan Vukashinoviçit, padi këto të dorëzuar kundër Ushtrisë së Serbisë, Policisë së Serbisë, dhe vetë Millan Radojçiçit.
Deri tash prokuroria nuk është deklaruar për këtë padi.
