Partitë gjermane, ato konservatore dhe të qendrës së majtë, të mërkurën kanë arritur marrëveshje për të formuar një qeveri të re gjermane, pas javësh negociata.
Friedrich Merz , kreu i Unionit Kristian Demokrat të qendrës së djathtë, pritet të bëhet lideri i ardhshëm i Gjermanisë sipas marrëveshjes, duke zëvendësuar kancelarin në largim Olaf Scholz. Palët e përfshira dërguan një ftesë për një konferencë shtypi mbi marrëveshjen e koalicionit në orën 15:00, raporton AP.
Blloku dypartiak i Merz-it, Unioni, doli si forca më e fortë nga zgjedhjet gjermane më 23 shkurt. Merz iu drejtua Social Demokratëve, partisë së qendrës së majtë të Scholz-it, për të krijuar një koalicion me një shumicë parlamentare.
Para se Merz të mund të zgjedhet si kancelar i ri, marrëveshja e koalicionit do të ketë nevojë për miratim në një votim të anëtarësimit të socialdemokratëve dhe nga një konventë e CDU-së së Merz.
Zgjedhjet u zhvilluan shtatë muaj më herët se sa ishte planifikuar pasi koalicioni i Scholz u shemb në nëntor, tre vjet pas një mandati që u dëmtua gjithnjë e më shumë nga grindjet e brendshme dhe pakënaqësia e përhapur.
