Anëtarët e Parlamentit Europian ditën e Hënë i bënë thirrje Komisionit Evropian të lançoi një program të ri mbështetjeje për industrinë e gjysmëpërçuesve dhe të investojë në çipet e AI.
“Zhvillimet e fundit gjeopolitike kanë treguar se Evropa nuk mund ta marrë si të mirëqenë aksesin e vazhdueshëm në teknologjitë e avancuara,” thuhej në një letër të shkruar nga përfaqësuesit e tre fraksioneve kryesore në parlament dhe të nënshkruar nga 54 ligjvënës.
“Duhet të marrim hapat e nevojshëm për ta bërë Evropën qendër të kërkimit dhe zhvillimit, të prodhimit dhe investimit në këtë industri,” thuhej në letër ndërsa kritikohej ecuria e ngadaltë me Aktin e Çipeve miratuar në 2023.
Komisioni Evropian ende nuk ka publikuar një plan të qartë për industrinë e gjysmëpërçuesve edhe pse tha se synon të lançojë pesë paketa investimi këtë vit, veçanërisht në AI.
Akti i parë i BE-së për çipat nxiti një valë investimesh, por dështoi të tërheqë prodhuesit e avancuar të çipave pasi Intel la në fund planet për një fabrikë të re të madhe në Gjermani. /PCWorld Albanian
