Pas shkëlqimit që e pati në mesjavë në Ligën e Kampionëve, Paris Saint-Germaini synon tjetër fitore në kampionatin francez.
Parisi të dielën nga ora 20:45 takohet me Marseillen në derbin e xhiros së 26-të të Ligue 1.
Parisi të martën e eliminoi Liverpoolin në një të tetën e finales së “Championsit”.
Parisi është duke shkëlqyer këtë edicion edhe në elitën e futbollit francez.
Është skuadra e vetme që ende nuk ka pësuar disfatë.
Pas 25 ndeshjeve të zhvilluara, numëron 20 fitore dhe pesë barazime.
Parisi është lider me 65 pikë dhe është në rrugë të mirë për të fituar edhe një tjetër titull të kampionit në Francë.
Marseille e zë vendin e dytë me 49 pikë.
Parisi i ka fituar katër ndeshjet e fundit ndaj Marseillet.
Marseille xhiron e kaluar u mposht nga Lensi me rezultatin 1:0.
Skuadra e Edon Zhegrovës, Lille, të shtunën nga ora 17:00 luan me Nantesin në udhëtim.
Lille ka 44 pikë në vendin e pestë.
Nantesi ka 24 pikë dhe renditet në pozitën e 14-të. Zhegrova pritet të mungojë edhe në këtë ndeshje.
