Analisti politik Arton Demhasaj ka folur lidhur me koalicionet e zgjedhjeve të mundshme të parakohshme në Kosovë.
Ai ka thënë në emisionin “Këndi i Debatit” në Tëvë1 se partia aktuale në pushtet, Lëvizja Vetëvendosje (LVV) nuk do të arrij 50 për qind të votave në këto zgjedhje. Sipas tij LVV duke e pasur nevojën e një partneri mund të kërkoj një koalicion me PDK-në ose LDK-në.
“Jemi duke u kthyer në ngjarjet e para 2017-ës, që atë kohë ka qenë koalicioni AAK, NISMA dhe VV si parti opozitare dhe PDK e LDK kanë qenë duke udhëheq shtetin. Po e shoh në atë rrugë. Përderisa e shohim Vetëvendosjen që mund të jetë e pakontestueshme si parti që mund të dali e para tash varet me përqindje sa del dhe e shohim që nuk ka me qenë rezultati si i zgjedhjeve të kaluara që mundet me qeverisë vet. VV-së i duhet një partner me kalu 50 për qindëshin, me pas një qeverisje stabile. Vijat e kuqe kanë qenë budallakia më e madhe e skenës sonë politike. VV del e para, LDK-në mundet me kërku me marr në pushtet, por për LDK-në është vetëvrasje politike, njëjtë ndodhë edhe me PDK”, është shprehur ai.
Po ashtu Demhasaj ka komentuar edhe koalicionin e sotëm të lidhur mes AAK-së dhe NISMA-s, duke thënë se ky koalicion u jep partive fuqi duke rezultuar me diku 130 mijë vota e numër më të madh të deputetëve.
“Është matematikë shumë e thjeshtë. Së pari ky është koalicion i natyrshëm sepse ka ekzistuar edhe në të kaluarën, dhe kur ka ekzistuar nuk ka reflektuar negativitet as te elektorati i AAK-së, as te ai NISMA-s. Koalicioni ka qenë edhe në vitin 2017-të. Pra NISMA dhe AAK kanë pasur bashkëveprim të tyre politik afatgjatë. Matematikisht i bie që nëse AAK-ja i ka pasur në dy palë zgjedhjet e fundit rreth 90 mijë vota, edhe Fatmir Limaj nëse e përcjell në rezultat dhe përkundër që në zgjedhjet e fundit i ka pasur 2.5 ose 2.7 për qind, por megjithatë bashkë më AKR-në në numër të votave ka qenë mbi 40 mijë vota. Brumi elektoral i NISMA-s nuk ka rënë nën 40 mijë vota, sepse edhe e udhëheq një komunë, Malishevën e udhëheq. 90 mijë vota që i ka AAK dhe 40 mijë të NISMA-s e çon në 130 mijë të votave e rrit si koalicion, i jep fuqi më të madhe ne numër më të madh të deputeteve”, është ka shtuar ai./teve1.info/
