Policia dhe Dogana e Kosovës, kanë parandaluar edhe një rast të kontrabandimit me mallra.
Përmes një komunikate për media, bëhet e ditur se Policia ka pranuar informata se disa mallra po kontrabandohen përmes rrugëve ilegale të Serbisë.
“Policia e Kosovës gjegjësisht Njësitet e Task Forcës – Lindje në bashkëpunim me Doganën e Kosovës si rezultat i shtimit të masave për intensifikim të kontrolleve taktike dhe operacionale në terren, me qëllim të parandalimit dhe luftimit të kriminalitetit dhe dukurive të tjera negative kanë parandaluar edhe një rast të kontrabandimit me mallra. Me datë 29.11.23 njësitet e lartcekura pas pranimit të informatës nga burimet zyrtare të PK-së për dyshimet se janë duke u sjellur mallra të kontrabanduara përmes rrugëve ilegale nga SRB -RKS, kanë ndërmarrë menjëherë veprimet hetimore dhe operative me ç’rast është vërejtur një mjet i dyshuar/ traktor me rimorkio të improvizuar, duke lëvizur nga fsh. Tërnoc-Bujanoc –Serbi përmes rrugëve malore që lidhen me fsh.Hodonoc-Kamenicë-RKS”, thuhet në komunikatë.
Gjatë kontrollimit, janë gjetur 330 mbledhëse uji dhe 36 fontana për guacë të banjos.
“Pas ndalimit nga njësitë kompetente policore, në mjetin e lartcekur është identifikuar i dyshuari mashkull kosovar me iniciale L.I. ku gjatë kontrollit të mjetit janë gjetur të ngarkuara mallrat për të cilat i dyshuari nuk kishte asnjë dokument përkatës, e që janë si në vijim: 330 sifona (mbledhëse uji), 36 fontana (rezervuar uji ) për guacë të banjos”, thuhet tutje në komunikatë.
Derisa me urdhër të prokurorit kompetent, malli i kontrabanduar është sekuestruar dhe do të dërgohet në Terminalin Doganor tek Dheu i Bardhë./teve1.info/.