Në njoftim thuhet se ngasësi ka ikur nga automjeti, kurse zyrtarët gjatë kontrollit në automjet kanë gjetur pije të kontrabanduara në sasi prej 900 litrash.
“Ngasësi ka refuzuar urdhërin e ndalimit dhe ka tentuar të ik me automjet, me ç’rast zyrtarët i janë vëne në ndjekje dhe kanë arritur të bllokojnë automjetin ndërsa vozitësi ka ikur duke e braktisur automjetin. Me rastin e kontorollit zyrtarët kanë gjetur se në automjete kishte mallra kontrabandë të llojit pije alkoolike dhe jo alkoolike në sasi prej rreth 900 litrash”, thuhet në njoftim.
Bëhet e ditur se gjatë rrugës në hyrje të Zveqanit gjatë dërgimit të automjetit me mallëra në Terminalin Doganor në Mitrovicë, tri automjete kanë penguar dhe kanë tentuar të bllokojnë zyrtarët e Doganës në kryerjen e detyrës zyrtare. Fal përkushtimit dhe profesionalizmit të Zyrtarëve Doganor është arritur që të evitohen këto pengesa dhe automjeti i dyshimtë me mall të kontrabanduar të dergohet në mbikqyrje Doganore në terminal.
Kurse sipas njoftimit, për pengim në kryerje të detyrës Dogana e Kosovës ka lajmëruar dhe inicuar rast tek organet kompetente./teve1.info./
