Policia në bashkëpunim me Doganën kanë parandaluar një rast të kontrabandës përgjatë brezit kufitar ndërmjet Kosovës dhe Maqedonisë së Veriut.
Është bërë e ditur se mëngjesin e sotëm në rrugën Debelldeh-Binqë në Komunën e Vitisë, policia ka ndaluar një automjet me targa vendore të cilën e drejtonte shtetasi kosovar.
Gjatë kontrollit të automjetit janë gjetur mallra të kontrabanduara si 46 peshore dhe 30 pako me bajame me peshë nga 23 kg secila e që në total në sasi prej 690 kg.
Vlera e përgjithshme e mallit të kontrabanduar vlerësohet rreth 15 mijë euro.
“Me urdhër të prokurorit të shtetit, rasti është cilësuar si kontrabandë me mallra, ndërsa i dyshuari është liruar në procedurë të rregullt. Automjeti dhe mallrat janë dorëzuar në terminalin doganor në pikën kufitare Dheu i Bardhë, Gjilan”, thuhet në njoftim./teve1.info/
