Shërbimi Korrektues i Kosovës ka njoftuar se sot në Qendrën Korrektuese në Dubravë është parandaluar futja e kontrabandës.
Sipas njoftimit, stafi për siguri ka zbuluar se në sallën e vizitave në mënyrë të kamufluar brenda rrobave të sjellura nga një vizitor është gjetur substancë e dyshuar narkotike.
“Sot në Qendrën e Korrektuese Dubravë oficerët korrektues kanë arritur të parandalojnë futjen e kontrabandës brenda kësaj qendre.Gjatë bastisjes rutinore në sallën e vizitave, stafi për siguri ka zbuluar se në mënyrë të kamufluar brenda rrobave të sjellura nga një vizitor është gjetur substancë e dyshuar narkotike”, thuhet në njoftim.
Bëhet e ditur se i burgosuri ndaj të cilit kanë qenë të dedikuara rrobat është iniciuar procedurë disiplinore, teksa vizita është anuluar.
“Shërbimi Korrektues i Kosovës mbetet i përkushtuar në luftimin kontrabandës brenda institucioneve korrektuese dhe asnjëherë nuk do të qëndrojë duarkryq përballë këtyre dukurive negative të cilat rrezikojnë rendin dhe sigurinë e saj”, thuhet tutje./teve1.info./
