Komuna e Mitrovicës ka njoftuar se në ditët në vijim do të merren masa për ndalimin e qarkullimit të kombi-busëve në relacionet Mitrovicë – Prishtinë dhe Vushtrri – Prishtinë.
Nga kjo komunë kanë bërë të ditur se drejtori i Drejtorisë së Inspekcionit në Mitrovicë, Valon Brahimi, dhe Drejtori i Drejtorisë për Shërbime Publike dhe Infrastrukturë, Granit Tmava, sot kanë pritur në takim këshilltarë të ministrit të Ministrisë së Infrastrukturës, zyrtarë policorë të trafikut rrugor, si dhe drejtoreshën e Inspekcionit në Komunën e Vushtrrisë, Shqiponje Hajdari Mikushnica.
Sipas njoftimit, arsyeja e këtij arsyeja e këtij takimi ishte ndërmarrja e masave për ndalimin e qarkullimit të kombi-busëve ilegalë, transmeton tëvë1.info.
“Nga ky takim akterët u dakorduan për fillimin e zbatimit të masave për ndalimin e qarkullimit të kombi-busëve dhe u pajtuan që takimi i tyre i radhës i cili do të mbahet pas një muaji të ketë rezultate konkrete në këtë drejtim”, thuhet në njoftimin e Komunës së Mitrovicës.
