Zëvendësdrejtori për veriun e Kosovës, Veton Elshani, bëri të ditur se pas paralajmërime për bllokim të pikave kufitare nesër në veri, policia është e gatshme të reagojë në rast nevoje.
Ai tha se policia do të jetë e gatshme për realizimin e planeve operacionale që i kanë.
“Situata është e qetë, delikate duke marrë parasysh zhvillimet politike që po zhvillohen që dy vite. Por, në përgjithësi është e qetë. Policia e Kosovës është me numër të mjaftueshëm në veri, në rast se ka nevojë për reagim, ne reagojmë, por në përgjithësi mund të themi se është në rregull”, tha ai në emisionin “Këndi i Debatit” në Tëvë1.
Elshani tha se në përgjithësi situata në veri konsiderohet e qetë.
“Në rast se ndodhë diçka ne jemi aty për me reagu, situata konsiderohet e qetë. Do ta shohim se si do të zhvillohet situata. Policia ka plane të ndryshme operacionale për situata të ndryshme dhe nuk kemi zgjidhje tjetër përveçse të reagojmë në rast nevoje. Deri në atë kohë ne vazhdojmë me i kry detyrat tonat të rregullta e që janë me i shërby qytetarëve të veriut”, deklaroi ai.
Të premten është paralajmëruar bllokimi i pikave kufitare të cilat lidhin Serbinë me Kosovës, thirrje kjo e lëshuar nga e ashtuquajtura “Organizata për bllokada në Serb”. Kjo organizatë i ka bërë thirrje qytetarëve serbë t’iu përgjigjen ftesës pozitivisht për të protestuar të premten në ora 18:00, e cila sipas tyre do të vazhdoj deri në largimin e njësive speciale nga veriu./teve1.info/
