Nën masa të rrepta sigurie, të shoqëruar nga Njësia Speciale Operative e Policisë erdhën në Gjykatën Themelore të Ferizajt.
Gjashtë të arrestuarit dolën në gjykatore, pasi dyshohet se morën pjesë në planifikimin dhe kryerjen e vrasjes së rreshterit policor, Muhamed Lika.
Seanca u mbajt me dyer të mbyllura.
Pasi përfundoi seanca dëgjimore, Musa Konxheli, avokat i njërit nga të arrestuarit tha se klienti i tij nuk është i përfshirë fare në rast.
“Unë si mbrojtës i Rilindit duke u bazuar në provat që deri tash i kemi konsiderojmë që klienti im nuk është i përfshirë fare në këtë vepër penale. Prokuroria pretendon se ai ka qenë një ndër anëtarët e grupit që në bashkëpunim edhe me anëtarët e tjerë kanë planifikuar dhe kanë përgatitur veprën penale me të cilën dyshohen se kanë kryer”, tha ai.
Derisa Fehmije Gashi – Bytyqi, avokate e Diamant Gashit, deklaroi që në kërkesën për paraburgim nuk paraqiten elemente për lidhshmëri ideologjike, fetare.
“Ajo çka mund të them për juve dhe opinionin në këtë fazë dhe gjatë gjykimit unë kërkova prokurori i çështjes që së bashku me kryeprokurorin e Ferizajt, Burim Çerkini, të dalin edhe një herë të japin sqarime që kjo vrasje askund nuk është përmend në kërkesën e paraburgimit se ka lidhmëri ideologjike, fetare, islamiste, siç po e përdorin mediat e informimit për arsye se është edhe një rrethanë tjerët, është edhe me Kodin Penal të Kosovës, edhe me konventa ndërkombëtare dhe me Kushtetutë të Kosovë”, tha Bytyqi.
E pash më shumë se tri orë e gjysmë, të dyshuarit u larguan nga objekti i Gjykatës.
Të pandehurit me duar të lidhura u futën në veturat e Policisë se Kosovës.
Ndërkaq për sigurimin e zonës u panë njësi të shumta speciale me armë të gjata.
Derisa sa po largoheshin, Gjykata Themelore në Ferizaj doli me njoftim që ka aprovuar kërkesën e Prokurorisë Themelore për caktimin e masës së paraburgimit prej 1 muaji kundër të pandehurve H.B., R.M., V.Ç., E.L., Sh.K., dhe D.G., për shkak të dyshimit të bazuar se kanë kryer veprën penale në bashkëkryerje vrasja e rëndë.
Gjykata thotë se pas mbajtjes së seancës dëgjimore dhe analizimit të shkresave të lëndës, gjyqtarja e procedurës paraprake, ka vlerësuar se ekziston dyshimi i bazuar se më 1 prill rreth orës 23:00 në hyrje të një ndërtese, të pandehurit duke vepruar në bashkëkryerje, me dashje dhe përgatitje paraprake kanë privuar nga jeta tani të ndjerin zyrtarin e policisë – rreshterin, Muhamed Lika.
