Liverpool dhe Chelsea janë ndarë në paqe në derbin e xhiros së parë në Premier Ligë. Gjigantët nuk arritën më shumë se një barazim 1-1.
Ndeshja filloi më mirë për të kuqtë që kaluan në epërsi me Luis Diaz në minutën e 18’, ndërsa 9 minuta më vonë u anulua për pozitë jashtë loje goli i Salah.
Kur gjithçka po shkonte mirë për mysafirët, Disasi që debutoi në Premier Ligë me blutë, barazoi rezultatin pas asistimit të Chilwell, me këtë të fundit që shënoi dy minuta më vonë, por nuk qëndroi për offside.
Në pjesën e dytë, posedimi i takoi ekipit të Mauricio Pochettinos, mirëpo pa arritur të tunden rrjetat.
Javën e ardhshme Liverpool pret në shtëpi ekipin e Bournemouth, ndërsa Chelsea luan derbin e Londrës ndaj West Ham si mysafir.
