Papa Françesku vendosi të bëj “udhëtimin” e tij të fundit nga qyteti i Vatikanit për në Esquiline, njëra nga shtatë kodrat e Romës, ku përzgjedhi të varrosej duke thyer kështu traditën e deritanishme.
Françesku që vdiq të hënën në moshën 88 vjecare, zgjodhi një funeral modest për vete, duke shmangur shumë nga ceremonitë madhështore të Vatikanit dhe zgjodhi rite të thjeshta kur bënte plane për funeralin dhe varrimin e tij.
Vatikani tha se varrimi do të bëhet të shtunën në sheshin e Shën Pjetrit, përballë Bazilikës së Shën Pjetrit, ku prehen shumica e paraardhësve të tij, raporton Reuters.
Por vendi i tij i zgjedhur i prehjes është Bazilika e Santa Maria Maggiore (Shën Maria Major), një nga katër kishat kryesore të krishterimit në Romë.
Në testamentin e tij të fundit, Papa Françesku kërkoi të varrosej “në tokë, i thjeshtë, pa dekorim të veçantë” dhe me mbishkrimin vetëm të emrit të tij papal në latinisht: Franciscus.
Papa i fundit që u varros jashtë Vatikanit ishte Leo XIII, i cili vdiq në 1903.
Bazilika strehon trupat e shtatë papëve dhe disa figurave fetare, duke përfshirë kardinalin Bernard Law, ish-kryepeshkop i Bostonit, i cili u bë i famshëm për rolin e tij në fshehjen e abuzimit seksual të fëmijëve nga priftërinjtë.
