Kreu i Kishës Katolike Romake i ka bërë thirrje Izraelit të ndërpresë sulmet e tij në territorin e rrethuar palestinez dhe për një “armëpushim përfundimtar”.
“Jam i pikëlluar nga rifillimi i bombardimeve intensive izraelite në Rripin e Gazës, me kaq shumë vdekje dhe lëndime”, shkroi Papa Françesku në lutjen e tij Angelus, e cila u botua ndërsa 88-vjeçari po lirohej nga më shumë se pesë javë në spital, shkruan AJ.
“Kërkoj që armët të heshtin menjëherë dhe të gjendet guximi për të rifilluar dialogun në mënyrë që të gjithë pengjet të lirohen dhe të arrihet një armëpushim përfundimtar”, tha Papa.
“Situata humanitare në Rripin e Gazës është edhe një herë shumë serioze dhe kërkon angazhimin urgjent të palëve në konflikt dhe komunitetit ndërkombëtar”, shtoi ai.
