Biblioteka Kombëtare e Kosovës ka përfaqësuar Kosovën në Panairin e Librit në Leipzig, një nga ngjarjet më të mëdha të botës së librit në Gjermani, këtë vit nën moton “Fjalët lëvizin botët”.
Në njoftimin e MKRS-së thuhet se në kuadër të programit Leipzig Liest, janë organizuar disa ngjarje letrare me autorë nga Kosova.
“Qerim Ondozi dhe Feride Berisha diskutuan mbi letërsinë shqipe dhe sfidat e përkthimit, ndërsa Ag Apolloni prezantoi librin e tij Red Riding Hood: Fairy Tale for Groën-Ups, duke trajtuar rolin e letërsisë në ruajtjen e kujtesës kolektive. Një tjetër diskutim, i organizuar nga TRADUKI dhe Biblioteka Kombëtare, bëri bashkë Blerina Rogova Gaxhën dhe Jehona Kicajn për të debatuar mbi letërsinë kosovare në sfondin e migrimit dhe traumës së luftës”, thuhet në njoftim.
Po ashtu thuhet se këto aktivitete kanë ngjallur interes të madh tek lexuesit dhe botuesit gjermanë,duke hapur rrugë për bashkëpunime të reja dhe prani më të madhe të letërsisë kosovare në skenën ndërkombëtare.
