Perimet e bëra turshi, hajvar e reçel i llojeve të ndryshe, ushqimet tradicionale e veshje më punë dore u ekzpozuan të premten në Panarin e Fuqizimit Ekonomik të Grave pranë objektit të Komunës së Vjetër në Prishtinë.
Njëra nga pjesëmarrëset edhe Melihate Fetahu nga Prishtina. Ajo thotë që mer pjesë shpesh në panaire të tilla.
Ajo, i sheh këto panaire si mundësi të mirë për reklamimin të punës së saj.
“Ka nuk është keq, mirë është. Unë merrna me qeto qysh e vogël thuj se. Me pas ma mirë është. Ma mirë është me pas ma shumë se po reklamohen, edhe na po kem hesap edhe po reklamohet malli”, tha Melihate Fetahu.
Mirëpo, për disa pjesëmarrja në këtë panair ishte për të parën herë.
Melihate Çekini dhe Lumturie Shaqiri, nga Ferizaj, të cilat punojnë së bashku bërjen e korseteve me materiale të recikluara dhe me rroba tradicionale theksuan rëndësinë e këtyre organizimeve.
“Kemi shpreh dëshiren me pa panairi qysh shkon për shembull se sot është dita e parë që jemi në panair edhe me pa a ka interesim prej njerzve a na e vlersojnë punen tonë… Po i kanë pa kalimthi amo me u intersu dikush ma shumë jo hala”, thaMelihate Çekini-Krenzi.
“Përkrahje e grave është e paktë, mendoj që duhet me pas më shumë hapësira për gratë në vend punësim, duhet me qenë pak më shumë përkrahja morale, teknike, organizative, me pas hapësira pak më të mjaftueshme që gratë me pas një vend ku munden me u referu edhe tjerët me ditë që ku janë gratë. Me na bo pak si të përbashkët një vend, si një çarshi që njerzit munden me u qas pak më leht”, u shpreh Lumturie Shaqiri.
Për herë të parë në këtë organizim ishte edhe Bërbuqe Arifi, nga Gjilani, e cila bënë ushqime tradicionale.
Ajo gjithashtu tha se do t’ju ndihmonte të kishte më shumë panaire të tilla.
“Po shumë edhe kem dëshirë që sa ma shpesh me u bo panairet…Po të ish konë ma shpesh ish kon ma mirë për të gjithë, jo veç për mu, por për të gjithë në panair.Po çdo herë kur të kenë kam qef me marr pjesë në çdo panair që mbahet”, deklaroi Bërbuqe Arifi.
E ky panair u mbajt edhe gjatë ditës së enjte po në të njëjtin vend.
Kronikë e realizuar nga gazetarja, Adea Mustafaj.
