Lajmin për teve1.info e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Sipas saj, informacionet e para janë se kanosja e dyshimtë ka ardhur përmes postës elektronike.
“Rreth orës 12:00 është pranuar informata për dyshimet që ndërlidhen me një shpërthim të mundshëm në Rektoratin e Universitetit “Hasan Prishtina” në Prishtinë. Informacionet e para flasin se kanosja e dyshimtë ka ardhur përmes postës elektronike. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, tha ajo.
Alarme të tilla për bomba ka pasur edhe në të kaluarën për pjesë tjera të Prishtinës, si te shkolla “Xhevdet Doda” dhe te Stacioni i Autobusëve, por të gjitha kanë rezultuar të rreme./teve1.info/
Teve1.info ju sjell pamje nga vendi i ngjarjes.
