Palestina ka bërë thirrje për ndërhyrje urgjente ndërkombëtare të martën, për të ndaluar sulmet izraelite ndaj Gazës.
Ushtria izraelite sulmoi Rripin e Gazës herët të martën, duke vrarë më shumë se 400 njerëz dhe duke plagosur qindra të tjerë.
Imazhet e dala nga Gaza tregojnë se shumica e viktimave janë civilë, përfshirë gra e fëmijë, shtëpitë e të cilëve u bombarduan gjatë natës.
Një deklaratë e Ministrisë së Jashtme Palestineze tha se, “zgjidhjet politike janë çelësi për arritjen e qetësisë, ndalimin e agresionit dhe rivendosjen e horizontit politik për zgjidhjen e konfliktit”.
“Ne bëjmë thirrje për një qëndrim të fortë ndërkombëtar për të zbatuar një ndërprerje të menjëhershme të agresionit dhe paralajmërojmë kundër përpjekjeve të okupimit për të zbatuar planet e tij për të zhvendosur njerëzit tanë,” tha ministria, njofton Anadoly.
Izraeli përballet me një akuzë për gjenocid në Gjykatën Ndërkombëtare të Drejtësisë për luftën e tij në enklavë.
