Të dyshuarve u vendosen në këmbë, në atë formë që të mos mund t’i largojnë.
Në momentin kur ata afrohen tek vendet ku Prokuroria ua ndalon, pajisjet kryejnë dy funksione, lëshojnë energji elektrike në trupin e personit dhe njoftojnë automatikisht policinë për vendndodhjen e tij.
Por këto pajisje, shteti kosovar nuk i posedon.
Kjo po shihet si njëra nga mënyrat se si do të mund të parandaloheshin vrasjet e grave në vendin tonë.
Eksperti i sigurisë, Drizan Shala, thotë se vrasja e gruas shtatzënë para objektit të Klinikës së Gjinekologjisë, duhet ta alarmojë shtetit për të marrë veprime konkrete.
Se këto pajisje duhet të blihen, e thotë edhe deputetja Doarsa Kica – Xhelili.
Sipas saj sigurimi i tyre është përgjegjësi e Ministrisë së Drejtësisē.
“A e dini se qe 2 vite lavdërim për buxhetin më të lartë ndonjëherë, këto paisje nuk janë siguruar? A e dini se kjo është përgjegjësi bie mbi Ministrinë e Drejtësisë? Ku do të kërkoni përgjegjësi për këtë? Te kush? Çka ka qenë më urgjente se kjo? E kemi adresuar këtë shqetësim në Komision për Legjislacion. Mos thuani që nuk e keni ditur. Mos thuani pse nuk është cekur. Apo prap faji është te 20 vitet? Edhe sa?”, thotë ajo.
Por, ministrja e Drejtësisë e lë fajtorë dikë tjetër.
Hamide Magashi, kishte edhe pak ditë për ta lindur fëmijën e saj, kur ish-bashkëshorti ia mori jetën, në oborr të Qendrës Klinike Universitare.
Kronika e realizuar nga Arton Rama
