Sipas Pajazitit, institucionet e drejtësisë duhet të merren me këtë çështje sa më shpejt.
“Rasti që ndodhi nxori në pah te ne dyshime që mund të ketë patur edhe abuzime të tjera. Dhe ato që sot Abelard Tahiri i nxori në konferencë shtypi nga të dhënat që janë marrë nga veti institucioni që merret me energjinë elektrike, doli se ka abuzime. Pra, nuk bëhet fjalë për një skandal që lidhet me një shtet tjetër, nuk bëhet fjalë më vetëm për një blerje të rrymës, por në mënyrë sistematike krejt procesi i menaxhimit ka tashmë jo vetëm shkelje por konsiderojmë që ka më shumë se ka… Ne shpresojmë që do të ketë më në fund një hetim, komision hetimor, por më shumë se një komision hetimor, krejt çka ndodhi deri tash mendoj se ka vend për Prokurorinë edhe për hetuesinë”, tha ai në “Info Nata” në Tëvë 1.
Pajaziti shtoi se reagimet e kryeministrit Albin Kurti dhe presidentes Vjosa Osmani lënë për të dyshuar se bëhet fjalë për diçka shumë më serioze.
“Fakti që doli ky skandal dhe mënyra se si përgjigjej ose si reagoi ose si po reagon deri tash, prej ministrit të Jashtëm, Kryeministrit dhe Presidentes, le për të dyshuar se bëhet fjalë për diçka që është shumë serioze. Tash, interpelanca e çështje që janë si të thuash në të drejtën edhe në mundësinë e opozitës përmes deputetëve dhe përmes grupit parlamentar do të shfrytëzohen të gjitha por më shumë se kaq mendoj se çështja duhet të trajtohet nga institucionet e drejtësisë”, theksoi Pajaziti. /Teve1.info/
