I drejtë po vlerësohet anulimi i vendimit të Qeverisë nga ana e Gjykatës Themelore në Prishtinë, për uljen e pagave të gjyqtarëve dhe prokurorëve. Sipas njohësve kësaj fushe, me këtë cënohej e drejta e garantuar me ligj e akterëve të sistemit të drejtësisë. E situtatë e njëjtë parashihet të ndodhë edhe me Ligjin e Pagave, i cili ulë pagat e gjyqtarëve dhe prokurorëve.
Një iniciativë e Qeverisë për ulje të pagave të gjyqtarëve dhe prokurorëve u anulua nga Gjykata Themelore në Prishtinë.
Si të pabazuar në ligj kjo gjykatë e ka vlerësuar tentimin e Qeverisë për ulje pagash në sektorin e drejtësisë, pasi pagat e tyre janë të drejta të fituara dhe të garantuara me ligj, dhe si të tilla nuk mund të cënohen.
Vullnet Bugaqku nga KDI, e sheh si veprim të drejtë por jo përfundimtar, derisa ka numëruar disa nga shkeljet ligjore që u evidentuan.
Fat të njëjtë, sipas avokatit Fitim Klinaku do e kenë të gjitha iniciativat ligjore që janë në kundërshtim me aktet e zbatueshme vendore e ndërkombëtare.
Një ulje page për akterët e sistemit të drejtësisë, mes tjerash parasheh edhe Ligji i Pagave i cili është kontestuar në Gjykatë Kushtetuese, vendimi për të cilën nuk ka dalë ende.
