Mesditën e së mërkurës pagat iu ekzkutuan.
Kompania “Skyfterat Live” që menaxhon punëtorët e sigurimit të Komunës së Prishtinës, ka bërë me dije që pagat e punonjësve janë ekzekutuar.
E paradite, disa prej punëtorëve qëndruan para komunës dhe pritën për një përgjigje rreth pagave, konkretisht rreth pagës së gushtit, që sipas tyre ende nuk e kanë marrë.
Ata u shprehën se si rrjedhojë e kësaj kanë arritur t’i mbulojnë as shpenzimet elementare.
Madje thonë që nuk ia janë paguar as orët shtesë në punë, dhe puna në festa dhe vikende.
“Që një muaj nuk kena paga. Edhe pagat kur jonë jep janë dhonë paga minimale. Orët shtesë nuk janë pagu. Orët e natës nuk janë pagu. Festat jo, vikendet jo, festat shtetërore jo. Tanat të drejtat na janë cënu… Rrymën kom metë s’kom mujt me pagu. Borllogun s’kom mujt, vetëm ujin e kom pagu. Thojsha ma nalin ujin, pa ujë nuk muj rrnoj”, ka thwnw Sejdiu.
“Pasha zotin, rrymen u dasht me pagu, me marr prej shokut veresi. Me pagu tani rrymen, se nuk pata…. Punoj pazar ka pak, po boj gjallnime. A dikush s’ka s’punon…. Vallahen nuk vazhdoj unë. Deri me të parin, jo jo unë shkova tjetër. E gjojm tjetren”, ka thwnw Jerozi.
E në rast se situata vazhdon kështu, puntori Sadik Beka, tha se do të detyrohet të lë punen.
“Që nuk na e qesin rroge, duhet me e lon puën…. Jo s’mujm. Me pas mujt me i kry na s’kishim ardh këtu. S’kem ka. Ma mirëështë me na kallxu në vakt, nuk kom pare me të dhonë edhe nuk kishim ardh as një. Na s’kem çka me bo”, wshtw shprehur Beka.
Ndërkaq, kryetari i Prishtinës, Përparim Rama, u shpreh se i gjithë faji është tek qeveria e cila i ka bllokuar fondet e kryeqytetit.
“Po themë që ne e dini që kemi bllokaten prej nivelit qëndror, ku tash për veç 35 milionve, do të thote edhe 15 tjera, 50 milon janë të bllokume për kryeqytet. Edhe kjo neve po na pamundëson qasjen normale me gjitha proceset në kryeqytet.Edhe kjo është duke u bërë në mënyrë të qëllimshme që të na bllokojnë në gjitha pjesët në kryeqytet. Ne kemi dergu padi ndaj ministrit Hekuran Muratit, po ashtuedhe zyrtarëve atje që na kanë blloku fondet”, ka theksuar Rama.
E para punëtorëve, Rama u premtoi se dikush për këtë do hyjë në burg.
“Çdo ditë jemi në kontakt me ta. Çdo ditë jemi t’u ju shkru letra, përveç që kemi dërgu padi. Dikush prej tyre ka me hi në burg për shkak të kësaj. Këtë ja siguroj”, ka pwrfuynduar Rama.
Televizioni ka tentuar të marr një përgjigje nga ministri Hekuran Murati në lidhje me këto deklarat të Ramës, por i njejti nuk ka kthyer përgjigje.
Ndërkohë, për punën shtesë të punëtorëve, nga kompania kanë thënë që çdo punë shtesë paguhet.
