Lajmi është konfirmuar nga këshilltari i Pacollit përmes një postimi në Facebook.
Ata kanë shkuar për të vizituar ish-krerët e UÇK-së, të cilët po mbahen në paraburgim nga Gjykata Speciale.
Kjo vizitë është bërë me iniciativën e Pacollit, i cili sipas këshilltarit të tij, Jetlir Zymberi, kishte ftuar edhe ish-presidentët e Kosovës, Fatmir Sejdiu dhe Atifete Jahjaga.
Por, sipas tij ata kanë injoruar ftesën.
“Ftesa u ishte bërë edhe ish-presidentëve të Kosovës, të cilët për arsye të panjohura nuk e kanë konfirmuar vizitën e tyre. Ish presidentja Jahjaga ka injoruar totalisht se cilën thirrje telefonike qoftë edhe thirrjen nepërmjet letrës. Qëllimi i kësaj vizite është solidarizimi me krerët e UÇK-së që janë të paraburgosur në Hagë dhe mbështetja e kauzës dhe luftës së drejtë të Kosovës për liri dhe pavarësi kundër Serbisë në vitet e 90-ta”, kishte shkruar ai, ditë më parë./teve1.info/
