Kampioni aktual i Kosovës, Ballkani dhe Astana kanë shkuar të barabartë në pushim të mespjesëve. Pas 45 minutave lojë në “Astana Arena”, rezultati është 0:0 në ndeshjen që i takon xhiros së katërt të Grupit C të Ligës së Konferencës.
Gjatë pjesës së parë, Ballkani është treguar më agresiv se Astana, duke tentuar të gjejë rrugën e golit sa më shpejt që të jetë e mundur.
Në disa tentime të Ballkanit, rastin më të mirë e lëshoi Nazmi Gripshi, i cili në minutën e katërt gjuajti mbi portë.
Po ashtu, Almir Kryeziu tentoi edhe në minutën e 32-të, por portieri i Astanas intervenoi duke e larguar topin.
Në minutën e 24-të, Astana tentoi me futbollistin Maks Ebong por nuk ishte i saktë në gjuajtjen e tij.
