Ka përfunduar pa gola ndeshja derbi e xhiros së 13-të në Ligën e Parë të Kosovës në futboll ndërmjet Lirisë dhe Vëllaznimit.
Dueli i luajtur të mërkurën në stadiumin “Përparim Thaqi” në Prizren është mbyllur me rezultatin 0:0.
Për Vëllaznimin, ky është barazimi i katërt këtë sezon dhe aktualisht zë vendin e dytë në tabelë me 25 pikë, katër më shumë se Liria që ka regjistruar barazimin e gjashtë.
Barazimin në këtë përballje, e ka shfrytëzuar më së miri skuadra e Vushtrrisë që është forcuar në krye të tabelës me 28 pikë.
Vushtrria në shtëpi triumfoi 1:0 ndaj skuadrës së Istogut, ndërsa Rlindja me rezultatin identik fitoi Besën e Pejës.
Trepça ’89 ka barazuar 1:1 në udhëtim te Suhareka, ndërsa 1:1 është mbyllur edhe dueli mes KEK-ut e Prizrenit.
Dinamo në Ferizaj ka mposhtur skuadrën e Kikës 2:0, ndërsa Trepça ka fituar 2:1 në udhëtim te skuadra e Vjosës.
