Osmani tha se zbulimi i hershëm i kancerit të gjirit është një shans i shtuar për mbijetesë, shkruan teve1.info
“Sot jemi këtu për t’u lutur që dhimbjen ta shndërroni në fuqi dhe që së bashku ta përcjellim qartë e zëshëm se kontrolli i hershëm dhe preventiva shpëtojnë jetë. Armiku më i madh i kancerit të gjirit është kujdesi. Mikja më e mirë e secilës nga ne duhet të jemi vetë ne. Por po aq sa është e rëndësishme preventiva, po kaq e rëndësishme është edhe zbulimi i hershëm dhe përmirësimi i cilësisë së jetës dhe trajtimit të të prekurve nga kjo sëmundje”, tha ajo.
Me këtë rast, presidentja Osmani falënderoi stafin e Onkologjisë për siç tha ajo, punën e jashtëzakonshme dhe kujdesin që kanë ndaj pacientëve.
Qendra Kosovare për Luftimin e Kancerit të Gjirit “Jeta/Vita”, ka organizuar sot për herë të 16-të manifestimin tradicional informativo-kulturor me moton “Zbulimi i hershëm – Mbijetesë”. Pjesë e këtij manifestimi është edhe kryeministri, Albin Kurti, kryetari i Prishtinës, Përparim Rama, ministrja e Drejtësisë, Albulena Haxhiu e shumë figura të tjera. /Teve1.info/