Sot është presidente e Kosovës, por Vjosa Osmani, në fëmijëri kishte pasur disa profesione të cilat kishte menduar se do t’i ushtronte.
Në emisionin festiv “Brenda Dëshirave” në Tëvë 1, ajo ka treguar se në mosha të ndryshme kishte ndërruar mendje disa herë se çfarë profesioni do të ketë.
Ajo ka përmendur se dikur dëshironte të bëhej edhe regjisore filmash.
“Përgjatë moshave të ndryshme kanë ndërruar mendjen se çfarë profesioni dua ta kem. Kur kam qenë e vogël njëherë kam menduar se dua të bëhem mjeke, tani regjisore e filmit, ma vonë kam menduar se dua të bëhem psikologe, e tek ma vonë kamë vendos që të bëhem presidente”, ka thënë Osmani.
E para vendit ka thënë se është angazhuar se vendimet e të gjitha institucioneve që janë marrë të jenë në të mirë të qytetarëve e sidomos të fëmijëve.
“I gjithë angazhimi si presidente ka qenë që të sigurohemi që secili vendim i joni i të gjitha institucioneve të jetë që përmirëson jetën e qytetarëve pa dallim, e në veçanti të fëmijëve tanë”, tha Osmani.
