Presidentja e Kosovës, Vjosa Osmani ka pritur në takim të Ngarkuarën me Punë të Ambasadës së ShBA-ve në Kosovë, Anu Prattipati.
Të dy palët kanë diskutuar për zhvillimet e fundit në vend dhe pritshmërinë për bashkëpunimin bilateral ndërmjet Kosovës dhe ShBA-së gjatë vitit 2025.
Derisa, Osmani potencoi rëndësinë e vazhdimit të partneritetit strategjik ndërmjet Kosovës dhe SHBA-së në adresimin e çështjeve të interesit të përbashkët.
“Në prag të vizitës së Zëvendës Sekretarit të Shtetit Amerikan për Menaxhimin dhe Resurset, Richard R. Verma, u diskutua për qëllimin e kësaj vizite, si dhe u fol për disa nga temat kryesore që do të trajtohen.Gjatë bisedës, Presidentja Osmani dhe znj. Prattipati theksuan rëndësinë e avancimit të bashkëpunimit në fusha të ndryshme. Presidentja Osmani potencoi rëndësinë e vazhdimit të partneritetit strategjik ndërmjet Kosovës dhe SHBA-së në adresimin e çështjeve të interesit të përbashkët”, thuhet në njoftimin e Presidencës./teve1.info/
